तगरीच्या फ़ुलांचा रंग कसा छान शुभ्र. पाच पाकळ्या आणि त्याही एका दिशेने वळलेल्या. चक्राकार अशी त्यांची रचना. मध्यभागी पिवळसर थिपका. अगदी चित्रातील फ़ुलाच्या मध्यभागी गोल काधून रंगवतो तसाच. हे फ़ुल दिसायला तसे छोटेसे, नाजूक, पिवळसर देठ असणारे असे असते. हि फुले सुवासिक नसली तरी त्यांचे चांदण्यान सारख्या रुपामुळे ती प्रिया आहेत. तगरीचे चार पाकळ्यांचे फ़ूल मी लहानपणी एकदोनदाच बघितले असेन. तगरीचे झाड साधारण छत्रीसारखे अर्धगोल फोफावते. खोड मानगता एवढे जाड असते. त्यावर हि चांदण्यासारखी फ़ुले उमलतात. सबंध झाड फ़ुलांनी बहरुन जाते. तगरीला अनंत अथवा चांदणी असेही म्हंटले जाते. तगरी म्हंटले कि त्याच्या झाडावर आणि झाडाखाली अनंत फुले असे चित्र डोळ्यासमोर उभे राहते. कदाचित म्हणूनच त्याला अनंत असे नाव पडले असावे. तगरीच्या झाडाला फळे आलेली आजपर्यंत कोणी पाहिलेली नाहीत. तगरीचे झाड लावताना त्याची फांदी छाटून ती जमिनीत रोवली जाते. या फुलांच्या माळा बनवून देवाला वाहिल्या जातात. आम्ही देखील आमच्या लहानपणी अशा माळाबनवत असत. चार फुले चार दिशेला सुई मध्ये खोचून अशा प्रकारे माळा बनवायचो की फुलाचे देठ झाकले जायचे आणि फुलाचा समोरील भाग तेवढा माळेत दिसायचा. तगरीची पाने हिरवीगार दिसतात. मात्र अलीकडे पिवळसर रंगाची पाने असलेली तगरी देखील पाहायला मिळते. पाने पिवळसर असली तरी फुले मात्र सर्व तगरीची सारखीच दिसतात. तगरीचे औषधी उपयोगही आजपर्यंत ऐकल्याचे आठवत नाही.
याप्रमाणे ही फुले पांढर्या रंगाचीच असतात मात्र त्यांच्या पाकळ्यांच्या रचनेत तेवढा फरक दिसून येतो.
तगरीचे झाड बाराही महिने असेच फुलांनी बहरलेले दिसते.
No comments:
Post a Comment